Мэргэ Ван ХХК

Бидний зорилго:
Агаарын хөлгийн шатахууныг нийлүүлэхдээ чанарын шаардлагыг дээд зэргээр хангасан, найдвартай сумлаж үйлчлэхэд оршино..

Олон улсын нислэгийн аюулгүй байдлыг хангах шаардлагыг бүрэн хангасан,  байгаль орчинд ээлтэй, орчин үеийн техник технологиор тоноглогдсон Монгол-Оросын хамтарсан “Мэргэ ван” ХХК-ийн онгоцны шатахууны бааз Буянт-Ухаад үйл ажиллагаагаа явуулж байна.

“Сод Монгол групп” ХХК, ОХУ-ын “Роснефть” компанийн охин компани “РН-Аэро” нийгэмлэгүүд хамтран 2009 оны V  сард “Мэргэ ван” ХХК-ийг үүсгэн байгуулсан. “Мэргэ ван” ХХК-ийн үйл ажиллагааны тэргүүлэх чиглэл гол зорилт нь иргэний агаарын тээврийн салбарт мөрдөгддөг хууль журмын шаардлага, нормуудыг бүрэн хангасан чанартай шатахуунаар хэрэглэгчдийг хангах бөгөөд энэ нь агаарын хөлгүүдийн нислэгийн аюулгүй байдлыг хангах үндэс болдог.

Хэрэглэгчийн шаардлагыг бүрэн хангах хэмжээний шатахуун хадгалах сав, шинэ технологи, орчин үеийн технологийн тоног төхөөрөмж, барилга байгууламж, мэргэшсэн ажилчид нь чанартай шатахуунаар агаарын хөлгүүдийг яг цагт нь хангах үйл ажиллагааны чухал бүрэлдэхүүн хэсгүүд болох ба энэ бүгд нь цогцоороо биднийг найдвартай түнш гэдгийг баталдагт бид баяртай байдаг.

Шатахуун хүлээн авах болон сумлагч машинд ачих шугам хоолойд нь дэлхийд алдартай ФАСЕТ компанийн олон улсын API/EI 1581, class S шаардлагыг бүрэн хангасан хоёр шатлалтай шүүх болон ус ялгах шүүлтүүр болон тусгаарлагч суурилсан байдаг.

Үйл ажиллагааны чиглэл:

  • Шатахуун хадгалах
  • Сумлах
  • Чанарын хяналт

Тус бааз нь 40 мян.тн дээш шатахуун хүлээн авч цаашид агаарын хөлөгт цэнэглэх хүчин чадалтай. Нийт онгоцны шатахуун хадгалах савны багтаамж нь 6000 куб.м /босоо ган сав 3 ш тус бүр нь 2000 куб.м багтаамжтай/, шатахуун хүлээн авах, ачих насос станц нь нэгэн зэрэг 2 автоцистернээс, цэнэглэгч 2 машинд нэгэн зэрэг ачих хүчин чадалтай, галын усан сан, ууршуулах талбай, засвар үйлчилгээний цэг, оффисын барилга зэрэг барилга байгууламжууд баригдсан. Шатахуун хүлээн авах болон сумлагч машинд ачих шугам хоолойд нь дэлхийд алдартай ФАСЕТ компанийн олон улсын API/EI 1581, class S шаардлагыг бүрэн хангасан хоёр шатлалтай шүүх болон ус ялгах шүүлтүүр болон тусгаарлагчууд суурилуулагдсан болно.

ОХУ-наас вагонцистернээр ачигдан ирсэн шатахууныг дамжлага нефть баазаас зөвхөн онгоцны ТС-1 маркийн шатахуун тээвэрлэх автоцистернүүдээр энэ Буянт-Ухаа дахь өөрийн бааз руугаа тээвэрлэнэ. Агаарын хөлгүүдийн сумлагааг Хьюндай шасситай олон улсын агаарын хөлгүүдийг цэнэглэхэд тавигдах техникийн шаардлагуудыг хангасан – цэнэглэх гар (BS 3158), шүүр, ус ялгагч сепаратор (API 1581/класс S), халилтаас сэргийлэх Дэдман систем, аюулгүй байдлын INTERLOCK системтэй - цэнэглэгч машинуудаар гүйцэтгэнэ.

Орчин үеийн чанарын хяналтын системийн тусламжтайгаар онгоцны шатахууныг үйлдвэрээс ачигдахаас эхлэн баазын хадгалах саванд орох, улмаар агаарын хөлөгт цэнэглэх хүртэлх бүх шат дамжлагад шатахууны чанарыг тогтмол хянаж, чанарын шаардагдах түвшинг тогтмол барих болно. Oнгоцны шатахууны чанарын хяналтыг тус баазын итгэмжлэгдсэн лаборатори гүйцэтгэнэ. Энэхүү итгэмжлэгдсэн лаборатори нь Олон улсын иргэний агаарын тээврийн хамтарсан хяналтын багийн /JIG IATA/ зөвлөмжүүдийг үндэслэн олон улсын норм стандартыг баримтлан орчин үеийн багаж тоног төхөөрөмжүүдээр тоноглогдсон.